महाराष्ट्र मंडळाचे वार्षिक सभासदत्व हे १ ऑगस्ट ते ३१ जुलै असते. सभासत्वाची वर्गणी आगामी वर्षातील कार्यक्रम व इतर खर्च विचारात घेऊन  दरवर्षी  कार्यकारिणी समिती ठरविते.  सभासदत्व ऐच्छिक असले तरी सभासदांना अनेक कार्यक्रमात सवलत दिली जाते. काही कार्यक्रम (उदाहरणार्थ, गणेशोत्सव) मोफत ठेवले जातात. 

२०१८-२०१९ वर्षासाठी खालील दर निश्चित केले आहेत.

* प्रौढ ५० डॉलर

* मुले (५ ते १८ वर्षे) २५ डॉलर

* विद्यार्थी ४० डॉलर

वार्षिक वर्गणी परत करण्यात येत नाही आणि अहस्तांतरणीय आहे.

सभासदत्वाचा फायदा काय?

मंडळाचे सभासद व्हायचे का नाही हा खरे तर ज्याचा त्याचा वैयक्तिक प्रश्न आहे.  सभासद होऊन व कार्यक्रमाला उपस्थित राहून मंडळाप्रती असलेली आपुलकी/स्नेह तुम्ही दाखवता.  लॉस एंजेलिस परिसराचा परीघ मोठा असल्याने सर्व कार्यक्रमांना उपस्थित राहणे सर्वाना शक्य होत नाही याची आम्हाला जाणीव आहे.  शेवटी काय भारताच्या एका प्रांतातून आलेली फक्त भाषेमुळे जोडली गेलेली आपण मंडळी! आपण मंडळ चालवतो, एकत्र येतो, सण साजरे करतो ते कशासाठी?  तर आपली संस्कृतीशी नाळ पूर्णपणे तुटू नये, आपल्या पुढच्या पिढीला ती समजावी, भाषा जमेल तितकी अवगत व्हावी किंबहुना आपलीशी वाटावी म्हणून.  त्यामुळे सभासदत्वाचे पैसे देऊन मला काय मिळेल किंवा त्याचे मूल्य ("value for money") काय असे प्रश्न काहीप्रमाणात गौण ठरतात. आपले आर्थिक गणित आणि सभासदत्वाने मला काय मिळेल हे ज्याचे त्याने ठरवावे.

मंडळातर्फे वर्षभरात साधारणपणे खालील कार्यक्रम आखले जातात. यातील ठळक अक्षरातील कार्यक्रम नक्की केले जातात व उर्वरित हे समितीवर अवलंबून असतात.

* गणेशोत्सव 

* कोजागिरी पौर्णिमा

* दिवाळी

* संक्रांत

* गुढीपाडवा

* सहल

* मराठी नाटक / चित्रपट

* मराठी सांगितीक कार्यक्रम

* आनंद मेळा

• By Credit Card
  
• • MMLA accepts payments through Paypal. You don't have to be paypal member to pay by credit card.
  • Click on Membership to proceed.